 1948 yil sentabrda jismoniy tarbiya va sport kafedrasi tashkil etildi, unga YE.N.Lelyakova birinchi kafedra mudiri etib tayinlandi. 1961 yil yangi sport maydonchalari, 2 ta sport zal (kurash va basketbol) va talabalarni “xashar” yo‘li bilan qilgan mexnatlari evaziga 12x25m, 4ta yo‘lakli suv xavzasi bunyod etildi. Masalan, 1983 yilning uzidayoq katta musobaqalarda qatnashib F.Xabixuzin, X.Tuxtayev (sambo kurashi), A.Aslonov (boks), B.Turgunov (klassik kurash) va O.Soldatovlar (og‘ir atlet) birinchi marta “SSSR sport ustasi” degan faxriy darajaga ega bo‘ldilar. 1984 yil Shavkat Shatrov (sambo kurashi) sobiq ittifoq chempioni va Yevropa chempionati kumush medali sovrindori bo‘ldi. Shu yili AESX fakulteti talabasi, halqaro klassdagi sport ustasi Sergey Usov yengil atletika (110m yugurish) bo‘yicha Yevropa chempionati kumush medali sovrindori bo‘ldi.
Keyingi yillarda YET fakulteti talabasi Yelena Grebes (o‘q otish sporti) va GM fakulteti talabasi Aleksey Desyatov (suv sporti) birinchi marta “halqaro klassdagi sport ustalari” faxriy unvoniga sazovor bo‘ldi. Institutimiz talabasi Igor Shkvыrin o‘z maxoratlarini oshirib, sobiq “Paxtakor” futbol jamoasi o‘yinchisi sifatida bir necha bor O‘zbekiston chempioni unvoniga sazovor bo‘ldi va 1994 yil XII-Osiyo o‘yinlari kubogi sovrindoridir. Institutimizda futbol, voleybol, basketbol, milliy kurash, stol tennisi va taekvondo sport seksiyalari muntazam ishlab turibdi. Oxirgi 2 yilda 3ta oltin va 1ta kumush medali sovrindorlari, iqtisod fakulteti talabalari Akmal Xusniddinov (belbog‘li kurash), Sveta Skolova (qo‘l to‘pi) va ko‘plab misollar keltirish mumkin P.I.Donchenko atletika va funksional tayyorgarlik bo‘yicha O‘zbekiston terma futzal jamoasi ilmiy maslaxatchisi (treneri), 2001 yil Texron shaxrida o‘tkazilgan 3chi Osiyo Chempionati kumush medal sovrindori.
70 yillik qisqa davr ichida, umumiy sarxisob qilib, jismoniy tarbiya va sport kafedrasi 5ta halqaro klassdagi sport ustasi, 69dan ortiq “SSSR sport ustasi”, 20dan ortiq “O‘zbekiston sport ustasi”, 200ga yaqin sport ustasiga nomzod, 700dan ortiq birinchi darajali sportchi va minglab ommaviy sport darajasidagi sportchilar tayyorlandi.
  
|
